Actuación do MAGO MARTTYN

O próximo venres 11 de xuño ás 21:30h e con entrada gratuita actuará na Casa da Cultura o Mago Marrtyn. Ofrecerá o espectáculo ILUSIONARTE. Trátase dun espectáculo cunha duración aproximadamente unha hora e dirixido a un público familiar, con maxia para todos os gustos.
Visita a súa web pinchando aquí

O martes 8 de xuño en Xilloi e o mércores 9 de xuño na Abrela o Concello de O Vicedo, dentro das súas actividades de difusión ambiental, organiza unhas xornadas para nenos de Educación Primaria onde se fará unha recollida de lixo que o mar foi traendo ás praias de Xilloi e Abrela. Ademais, farase un tratamento selectivo deses residuos depositándoos nos colectores axeitados e xogos e actividades relacionados co tema.

Será a partir das 17h na praia e están invitados todolos nenos de Primaria do Concello do Vicedo. Haberá ademais reparto de varios agasallos para tódolos participantes.

programación cultural xuño 2010

xornada de difusión de internet para a vida cotiá.

Mañá xoves dia 20 a partir das 17h no salón de actos da Casa da Cultura do Vicedo e dentro das actividades conmemorativas do dia de Internet (17 de maio) celebrarase unha pequena xornada dirixida a maiores de idade enfocada a mostrar diversos usos de internet na vida cotiá. Así, comezarase tratando as redes sociais (FACEBOOK, TUENTI...) non só de como funcionan senón de vantaxes ou perigos ou inconvintes (sobre todo de cara a adoelscentes, etc). Tamén se fará unha demostración de uso de videochamada (SKYPE) e farase unha demostración de videochamada cunha vicedense en Xenebra (Suiza) e rematarase co uso do DNI ELECTRÓNICO en diferentes paxinas oficiais como o Catastro, DXT, banca electronica, etc.

Actuación de TÍTERES FALCATRÚA o próximo xoves no Vicedo

Dentro do programa LETRAS VIVAS ANIMACIÓN, este xoves actuarán na Casa da Cultura de O Vicedo a partir das 12h o grupo TITERES FALCATRÚA, que representará a obra LINOCHO E A LÚA. Asistirán a esta representación a totalidade dos alumnos do CEIP O VICEDO.
Máis info sobre a obra pinchando aquí.

Segundo fin de semana ruta de pinchos en O Vicedo

Este domingo rematou a 3ª edición da Ruta de Pinchos coa participación neste caso dos locais de O Vicedo. Houbo un gran ambiente e calidade de presentación e sabor dos pinchos.

primeira xornada da ruta de pinchos

Cunha moi boa afluencia de público (sobre todo o sábado) celebrouse xa a primeira xornada de ruta de pinchos que, nesta primeira fase, se centraba nas parroquias de S. Román e Suegos. O próximo fin de semana será no núcleo do Vicedo.