Actividade de animación á lectura

O próximo mércores 26 de abril ás 17:30h comezarán as actividades de animación á lectura deste ano 2017, coorganizadas pola Biblioteca Pública Municipal de O Vicedo e a Consellería de Cultura. Comezaremos cunha actividade dirixida aos máis pequenos da familia, un contacontos acompañado dunha marioneta que fará as delicias de novos e maiores. 

Celebración do día do libro infantil e xuvenil

O día 2 de abril celebrouse o día internacional do libro infantil e xuvenil e a BPM do Vicedo uniuse á celebración durante a tarde do día 3. Concretamente celebrouse unha lectura pública de varios textos de Hans Christian Andersen, que foron seguidos moi atentamente polos nenos e nenas presentes e despois todos foron agasallados con diversos libros infantís para seguir a ler e disfrutar na casa. 

O venres 31 de marzo ás 20h proxectarase o documental UN SUEÑO COMPARTIDO, producido pola ONG Aprendices Visuales, con motivo do día mundial de concienciación social sobre o autismo. Estades todos e todas convidados a ver este fermoso documental que vos impactará

Día internacional do libro infantil

A Biblioteca Pública Municipal de O Vicedo celebra o Día Internacional do libro infantil e xuvenil (2 abril) coa participación no concurso de debuxo a nivel de Galicia "Andersen Hoxe" e coa lectura pública o luns 3 de abril ás 17:30h do escrito creado polo poeta Sergey Makhotin para celebrar ese día. O prazo para entregar os debuxos xa está aberto e remata o xoves 2 de abril. Os debuxos están divididos en 3 categorías: 1º, 2º e 3º de primaria, 4º, 5º e 6º de Primaria e 1º e 2º de ESO. O debuxo deberá mostrar un dos personaxes dos contos de Hans Christian Andersen tal como sería a día de hoxe. Para participar hai que recoller a ficha de participación na propia biblioteca. O concurso será a nivel de toda Galicia.

Nova edición da tarde-noite de xogos de mesa

Debido ao forte temporal do 3 de febreiro non se puido disfrutar plenamente da primeira edición da noite de xogos de mesa. Agora repetimos a experiencia o venres 17 de marzo así que convidámosvos a achegarvos a xóvenes e adultos a xogar entre todos a moitos dos xogos que poñemos á vosa disposición. Comezamos ás 21h30!

Tarde-noite de xogos de mesa

Unha actividade que nos gusta moito organizar: Tarde-noite de xogos de mesa tanto para nen@s (tarde) como para xóvenes e adultos (noite) para estes días de inverno...

Reformas no escenario da Casa da Cultura

Os alumnos e alumnas  do obradoiro de emprego Río Sor están cambiando a tarima do escenario da Casa da Cultura do Vicedo. Era unha obra moi necesaria dado o estado dunha zona do escenario e agora está instalándose unha nova tarima que dará un aspecto diferente ao teatro. Mostramos aquí algunhas fotografías das obras e informaremos cando estean rematadas as obras.