A semana que ven volve o teatro á Casa da Cultura! Nesta ocasión será unha obra profesional a cargo de Ítaca Teatro, de Lugo. Trátase da obra Formigas no peto. A representación será o sábado 19 de novembro ás 20h. Entrada gratuita.
En “Formigas no peto”, Ítaca Teatro afonda na capacidade do teatro para comunicar e transmitir emocións e dá un paso máis na experimentación con códigos contemporáneos. Deste xeito, embárcase nunha creación colectiva cunha dramaturxia propia, realizada por Ana Carreira e José Campanari, baseada no traballo de narrador e de improvisación do protagonista, Carlos Rebolo.
