martes, 28 de diciembre de 2010

Viaxe a Xuvenlugo

O vindeiro domingo 2 de xaneiro organizarase, un ano máis, unha viaxe a Xuvenlugo (antiga Lugolandia). Trátase dunha zona de atraccións habilitada no Recinto de Feiras e Exposicións de Lugo onde hai as atraccións típicas dunha festa(coches eléctricos, tren da bruxa, saltamontes...) pero tamén hai actividades de ocio, videoxogos, karts tanto para adultos como para adolescentes, etc. O Concello de O Vicedo fletará transporte ata Lugo e pagará as entradas tanto dos nen@s como dos adultos que desexen acudir. Os nenos menores de 6 anos deberán acudir obrigatoriamente acompañados dun adulto. A idade mínima é 3 anos.
Os interesados deberán anotarse no teléfono da Casa da Cultura antes do xoves 30 de decembro ás 14h00.
Máis información sobre as atraccións que hai en Xuvenlugo pinchando aquí.

miércoles, 22 de diciembre de 2010

Papa Noel visitou o Punto de Atención á Infancia do Vicedo

Hoxe 22 de decembro os nen@s do Punto de Atención á Infancia do Vicedo recibiron unha agradable visita, foi Papa Noel que trouxo agasallos para tódolos nenos e comparteu con eles parte da súa xornada matinal.

lunes, 20 de diciembre de 2010

Aberto o prazo de inscrición para Xuvenlugo (antes chamada Lugolandia)

Desde hoxe luns 20 de decembro ata o xoves 30 está aberto o prazo para anotarse á viaxe que organiza o Concello de O Vicedo a XUVENLUGO. Trátase de atraccións e actividades socioculturais que se instalan no Recinto feiral de Lugo, nun recinto climatizado e con posibilidades para nenos e xóvenes ata 18 anos.
Hai que anotarse no teléfono 982 59 01 95. É gratuito para todolos nen@s e acompañantes do Vicedo. O Concello de O Vicedo fletará un único autobús para os que queiran asistir. Ademais haberá a posibilidade de ir por libre facéndose cargo o Concello da entrada ó recinto.

martes, 14 de diciembre de 2010

Esta semana 2 charlas: seguridade en internet e 100 anos da sociedade vivero y su comarca

Esta semana, concretamente o venres 17 haberá dúas charlas na Casa da Cultura do Vicedo.

En primeiro lugar unha charla sobre a Internet e a navegación con seguridade, perigos etc. dirixida a xóvenes da ESO e que forma parte do plan de información da Xunta de Galicia "NAVEGA CON RUMBO". Esta charla será ás 18h00 e será impartida por unha técnica da Xunta de Galicia.
máis información sobre o plan NAVEGA CON RUMBO pinchando aquí

En segundo lugar unha charla impartida por Carlos Nuevo Cal, cronista oficial de Viveiro, sobre os 100 anos da Sociedade Viveiro y su comarca (o proceso migratorio a Cuba, a constitución da sociedade, etc). Esta charla será ás 20h30 tamén na Casa da Cultura.

martes, 23 de noviembre de 2010

O Sábado 27 ..Teatro

O vindeiro sábado 27 de novembro a partir das 19h30 o grupo de teatro ARDORA actuará na Casa da Cultura do Vicedo representando a obra ESTIGMAS. Trátase da última representación teatral por este ano correspondente ó proxecto Buxiganga da Deputación de Lugo. A entrada é gratuita.

viernes, 12 de noviembre de 2010

Mañá sábado teatro na Casa da Cultura

Mañá sábado 13 de novembro unha obra de teatro na Casa da Cultura. Será nesta ocasión o grupo de teatro RAIOLAS de Alfoz que representará a obra A LOTARÍA. A obra comezará ás 20h e a entrada é gratuita. A sinopse da obra é a seguinte:

D. Juan é un xubilado que ten 4 fillas. Clara é a filla que o ten na casa e coida, pero todas discuten continuamente intentando pasar unhas ás outras a responsabilidade e o peso de coidalo na súa vellez. O mesmo fan as respectivas parellas das súas fillas. Todos, fillas e xenros, móvense polo egoísmo e o propio interese. Un día Don Juan atopa un billete no chan e cóntallo a unha veciña que é coa única que parece entenderse. Un domingo xúntase toda a familia para facer unha comida na casa de D. José e nesa xornada sucédense os malentendidos....

martes, 2 de noviembre de 2010

Samain e teatro

Con gran exito de participacion celebraronse estas duas actividades. O teatro presentou unha obra moi interesante sobre a escola na epoca franquista e o desfile de samain, amenazado polo temporal, puido finalmente celebrarse cunha amplia participacion de nenos e adultos.
Lembramos que e xa a oitava edicion deste desfile, o que o convirte no mais antigo da Mariña e un dos mais nomeados de toda Galicia. Ademais, o xoves tamen os nenos do PAI se vestiron para celebrar esta festa.

miércoles, 27 de octubre de 2010

fotos inicio obradoiros de samain

Fotos dos obradoiros que se celebraron hoxe pola tarde e que continuaran as tardes do xoves e venres na Casa da Cultura. Ademais desto, hai obradoiros de manualidades con motivos do Samain para os mais pequenos na biblioteca os mesmos dias e as mesmas horas.

lunes, 25 de octubre de 2010

Esta semana: Teatro e desfile de Samaín

Esta semana haberá bastante actividade sociocultural no Concello. Durante o mércores comezarán os obradoiros de preparación do desfile de samaín que se celebrará o domingo. Será todolos días a partir das 17h no sótano da Casa da Cultura e pode participar todo aquel que queira. Tamén haberá obradoiros para nenos a partir de 3 anos con temas que xiran en torno ó Samaín.

Por outra banda, o sábado 30 a partir das 19h30 volve o teatro á Casa da Cultura. Será a Compañía da Biblioteca de Antas de Ulla que representará a obra CRÓNICAS DAQUELA ESCOLA. A obra é de grande interese porque trata de reflexar como era a escola na época franquista.

Para rematar o domingo será o desfile de Samaín. Comezará ás 19h30 partindo da Casa de Cultura e percorrerá as principais rúas do Vicedo. Poden participar nenos e adultos aínda que non acudiran ós obradoiros semanais sempre que traigan algún atuendo branco e unha calabaza xa rematada e con luz. Ó final haberá castañas para tódolos participantes.

viernes, 15 de octubre de 2010

Obras de remodelación do parque do porto

Están instalándose novas pezas e acondicionando o parque infantil xa existente no porto desde hai moitos anos e así cumprir a normativa en materia de parques infantís.

lunes, 4 de octubre de 2010

Actividades para outubro 2010

As principais actividades previstas para este mes de outubro son:

-Sábado 30 outubro ás 1930h: Teatro: O grupo da BPM Antas de Ulla presenta CRÓNICAS DAQUELA ESCOLA, baseada nas autoritarias escolas franquistas.
-Domingo 31 outubro ás 10h30: DESFILE DE SAMAÍN. Percorrerá como sempre as principais rúas do Vicedo a xente ataviada con traxes e cabazas iluminadas. Durante toda a semana haberá obradoiros na Casa da Cultura onde adultos e nenos prepararán as cabazas, os traxes, cancións, etc. Ó desfile pode achegarse calquera persoa que queira e que apareza ataviada con saba branca, rostro pintado, e una cabaza iluminada.
-Inicio de aerobic e pilates, o martes 5 de outubro comezará de 19h30 a 20h30 o pilates e de 20h30 a 21h30 o aerobic. Será os martes e xoves e poden incorporarse novos alumnos en calquera momento do ano. O prezo é de 17€ ó mes.

lunes, 23 de agosto de 2010

Mércores de natureza: Esta semana: Ruta de sendeirismo MORGALLÓN - RÍO SOR - MORGALLÓN

Finalizan as actividades de ocio activo que se celebraron todos os mércores deste verán coa ruta de sendeirismo homologada pola Federación Galega de Montañismo: MORGALLÓN-RÍO SOR-MORGALLÓN (PR-G 8).
O punto de partida será en coches particulares ás 10h00 da Casa da Cultura desde onde se chegará a Morgallón para percorrer os 7,5 km de sendeirismo.
A ruta ten dificultade baixa e percorrerase nunhas 3 horas. Se queres ver unha amplia descrición da ruta pincha aquí

jueves, 19 de agosto de 2010

Concurso castelos de area

Uns 70 participantes se presentaron ó concurso de castelos de area nun día de sol espléndido na praia de Abrela.
Os premiados foron os seguintes:
Infantil: 1º: Victor, Leo e Zya (Castelo con bandeiras), 2º: Clara, Yago e Ana (Castelo), 3º: Carlos, Iván e Julia (Lagarto)
Xuvenil: 1º: Mario, Santi e Sabela (Barco), 2º: Sheila, David e Amaya (Guitarra), 3º: Andrea e Mikel (Teléfono móvil)
Adultos:1º: Pedro e Aida (O pulpo Paul), 2º: Carlota, Rocío e Consuelo (Castelo), 3º: Francisco Escourido (Castelo)


miércoles, 18 de agosto de 2010

Concurso de castelos de area na praia de Abrela

Mañá xoves 19 a partir das 16h30 celebrarase na praia de Abrela unha nova edición do concurso de castelos de area. Haberá 3 categorías: Infantil, xuvenil e adultos con premios para os 3 primeiros clasificados por categoria.
Ademais haberá caramelos para todos os que se acheguen ata a praia de Abrela.

viernes, 13 de agosto de 2010

Actuación dos Magos Marttyn e Dani

Hoxe venres 13 de agosto ás 22h00 actuarán conxuntamente os magos Dani e marttyn na Casa da cultura do Vicedo. A Entrada é gratuita e o espectáculo é apto para tódolos públicos.

martes, 10 de agosto de 2010

mércores de natureza: Visita a Foz

Dentro dos mércores de natureza (con actividades de ocio activo) que se veñen celebrando durante xullo e agosto, este mércores vai consistir nunha viaxe en tren desde O Vicedo ata Foz, visita alí pola ruta das praias de Foz e Castro de Fazouro e regreso en tren a Vicedo. O prezo será de 5€/persoa e hai que anotarse antes do martes ás 21h00 na Casa da Cultura do Vicedo ou no 982 59 01 95.

lunes, 9 de agosto de 2010

Novas incorporacions de DVD´s

Acaban de incorporarse estas coleccions de DVD que se poden levar en prestamo a domicilio igual que os libros. Só hai que ser socio da Biblioteca Municipal (carné gratuito):
Grandes hazañas bélicas
Grandes enigmas de la Humanidad

la segunda guerra mundial en color
Grandes misterios de la historia
Egipto: Últimos descubrimientos en el Valle de los Reyes


Fotos actuación Omar percussion group e gala bailes de salón

Cun gran éxito de público celebráronse este fin de semana estas dúas actividades programadas pola Casa da Cultura. Esta semana continúan as actividades coa visita a Foz en tren e a actuación dos magos Dani e Marttyn.