Programación Sociocultural agosto 2024

 Pinchar na imaxe para vela en tamaño grande

Programación sociocultural xullo 2024

 Pinchar na imaxe para vela en grande

XIX Desfile de Samaín O Vicedo

Un ano máis, e van moitísimas edicións (esta será a número 19), presentamos unha actividade moi querida como é o Samaín do Vicedo. Como facemos habitualmente, contamos coa imprescindible coorganización da APA do Vicedo, que nos axudará na decoración da Casa da Cultura e no desenvolvemento da actividade. Ao final do desfile haberá chocolate e dulce para os participantes

Programación sociocultural agosto 2023

Pincha na imaxe para ver en tamaño grande

Programación sociocultural xullo 2023

 

Teatro no Vicedo o sábado 10 de decembro

O sábado 10 de decembro ás 20h na Casa da Cultura do Vicedo o Grupo de Teatro do Colectivo Ollomao, de Barreiros, representará a obra de teatro "O Documento", dentro das actuacións da rede de teatro afeccionada da Deputación de Lugo. Trátase dunha divertida comedia dirixida principalmente a adultos a cargo deste grupo de Barreiros que está acadando gran sona coas súas obras. Entrada gratuita.

Teatro profesional en O Vicedo o sábado 19 de novembro de 2022

A semana que ven volve o teatro á Casa da Cultura! Nesta ocasión será unha obra profesional a cargo de Ítaca Teatro, de Lugo. Trátase da obra Formigas no peto. A representación será o sábado 19 de novembro ás 20h. Entrada gratuita.

En “Formigas no peto”, Ítaca Teatro afonda na capacidade do teatro para comunicar e transmitir emocións e dá un paso máis na experimentación con códigos contemporáneos. Deste xeito, embárcase nunha creación colectiva cunha dramaturxia propia, realizada por Ana Carreira e José Campanari, baseada no traballo de narrador e de improvisación do protagonista, Carlos Rebolo.

XVIII Desfile de Samaín no Vicedo

Este ano podemos recuperar unha das citas socioculturais máis peculiares do Vicedo. Trátase do desfile de Samaín, que vai celebrar a súa edición número 18 xa, e que conta coa axuda imprescindible da APA do Vicedo para poderse facer. Será o luns 31 de outubro a partir das 19:30h saíndo da Casa da Cultura, pasando por varias rúas do Vicedo e regresando á Casa da Cultura para compartir todos os participantes unha chocolatada, ofrecida pola APA.

Unha novidade deste ano será o obradoiro de lámpadas terroríficas que organiza a APA o luns pola mañá para nenos e nenas de Primaria, do que informará máis ampliamente a propia asociación.

Lembramos a importancia de seguir a tradición deste desfile de portar traxes brancos (sexa sábanas ou camisetas moi longas) para que os participantes destaquen na noite, xa que as rúas estarán ás escuras durante o percorrido. Agardámosvos con moita alegría despois de 3 anos...

Actividades socioculturais agosto 2022

 

Romaxe Viquinga 2022

 

Cartel programación sociocultural para xullo 2022

 Pincha na imaxe para vela en tamaño grande

Actividade de animación á lectura no Vicedo

Nesta semana de celebración das Letras Galetas, chega o turno para a narración oral. Xarope Tulú achegarase de novo ao Vicedo para ofrecer o seu contacontos Estrafalaria, onde Atenea Garcia ofrece un espectáculo que combina a narración oral coa manipulación de obxectos e onde o público participa activamente no relato. Será o xoves ás 17h na Casa da Cultura do Vicedo e está destinado a nenos e nenas de 3 a 12 anos que queiran pasar un bo rato escoitando relatos de Atenea.

Música Miúda en Concerto no Vicedo

Comezan as actividades de Animación á Lectura a través da campaña da Xunta de Galicia e Concello de  O Vicedo, dentro do programa Ler Conta Moito. A primeira actuación é musical. Trátase do grupo  Música Miúda, que actuará na Casa da Cultura do Vicedo o xoves 28 de abril a partir das 17h.

Entrada libre.

Estrea Curtametraxe Jakobsland o sábado 9 de abril ás 19:30h

Estreno da curtametraxe "Jakobsland". O sábado ás 19:30h estrenaremos no Vicedo a curtametraxe Jakobsland, gravada integramente na nosa comarca entre os Concellos de O Vicedo e Mañón. Lembramos que para asistir hai que anotarse no 982 59 01 95 ou por mail a omix@concellodovicedo.org

Teatro no Vicedo: O Grupo Andanzas representa "Olvida los Tambores" na Casa da Cultura do Vicedo

O grupo de teatro de Viveiro Andanzas representará a obra en castelán "Olvida los Tambores", de Ana Diosdado, o sábado ás 20h na Casa da Cultura do Vicedo. A Entrada é Gratuita. Trátase dun grupo de Viveiro que xa ten representado máis obras no Vicedo e que ten como característica máis representativa que as súas obras son en castelán. 

Actuación do Coro Sons de Celeiro na Casa da Cultura o sábado 26 de marzo

O sábado 26 de marzo ás 19:30h o Coro Sons de Celeiro actuará na Casa da Cultura do Vicedo. Trátase dunha nova actuación deste coro no Vicedo presentando cancións moi coñecidas por todos os amantes desta música. A entrada é gratuita.

 

Estrea da curtametraxe Jakobsland

Xa podemos confirmar día e hora para a presentación oficial da curtametraxe Jakobsland, que foi gravada nas nosas terras ao longo do mes de setembro de 2021 e que trata de recrear a chegada dos viquingos á nosa costa. Os Concellos de O Vicedo e Mañón van habilitar autobuses para poder desprazarse gratuitamente á Cidade da Cultura de Santiago de Compostela ese día e poder disfrutar todos xuntos da estrea. Para asistir debedes anotarvos no mail: omix@concellodovicedo.org ou no teléfono 982 59 01 95 (independemente de se vades ou non no autobús, hai que inscribirse)

Teatro na Casa da Cultura

Esta semana volve o teatro á Casa da Cultura. O sábado 13 de novembro ás 20h O Grupo Nova Escena Teatro, de Lugo, representará a obra "A Tortilla e a Peste".Varias mulleres contan a súa experiencia durante o período do confinamento. A privación de contacto, o illamento, a distancia, fan que cousas cotiás, como unha simple tortilla, adquiran unha dimensión diferente, converténdose no “axis mundi” duns personaxes ligados ao mundo a través do finísimo fío da tecnoloxía.

Entrada gratuita.

Actividades para o fin de semana de Samaín

Entramos na semana do Samaín con varias actividades. O sábado 30 ás 19h a charla divultagiva sobre as aves mariñas da costa da Mariña e Ortegal, con especial atención ás aves que aniñan na Coelleira. E xa o domingo 31 o reparto de agasallos a nenos e nenas que participen na actividade da APA do Samaín e o magosto popular que se irá desprazando por todas as actividades polas paroquias. Por seguridade e evitar aglomeracións non se vai facer este ano o tradicional desfile de Samaín, agardamos xa celebralo con forza o ano 2022!!

Teatro no Vicedo. Pinconús

 O vindeiro sábado 16 de outubro ás 20h representarase a obra Pinconús, a cargo de Pinconús Teatro. Trátase dunha obra familiar apta para todos os públicos onde mesmo hai cancións interpretadas en directo polo que será todo un espectáculo para a tarde do sábado.