Programación cultural outubro

Xa está preparada a programación para este mes de outubro.

-Aerobic: Inicio do curso impartido por unha nova monitora. Haberá unha primeira reunión o luns 15 ás 20:30h para establecer os días e horas de realización. O prezo será de 15 euros ó mes.

-Cine: Misión Imposible 3. Venres 19 ás 21:30h na Casa da Cultura.

-5º Desfile de Samaín. Mércores 31 de outubro ás 19:30h. Un ano máis o exitoso desfile de Samaín celebrarase polas rúas do núcleo do Vicedo. Será con saída e regreso á casa do mar e ó final repartiranse castañas asadas para tódolos asistentes.
Durante a semana previa haberá un obradoiro de preparación de traxes e calabazas na Casa do mar onde invitamos a pais e nenos a colaborar na preparación do desfile.

Ó longo do mes iremos dando información máis completa sobre cada unha destas actividades neste mesmo blog.

Inicio de aerobic

O luns 15 de outubro ás 20:30h terá lugar a reunión de inicio do xa tradicional curso de aerobic dirixido a tódalas idades. Nesa reunión estableceranse os horarios e os 2 días á semana de realización do mesmo.
Como novidade destacaríamos que este ano será unha nova monitora a que impartirá o curso. O prezo será de 15 euros ó mes e está previsto comezar xa durante esa mesma semana. Máis información e inscrición na Casa de Cultura.

Resume fotográfico das actividades de verán

Imos mostrar imaxes das actividades que se celebraron neste fresco verán no municipio de O Vicedo. Hai que destacar a alta participación na absoluta totalidade de actividades (exceptuando polo mal tempo o concurso de castelos de area). Gustaríanos recibir opinións sobre estas actividades ou suxerencias no apartado comentarios que aparece ó final destas fotografías.

Fotos do Concurso de Castelos de area

Celebrouse hoxe martes 22 de agosto o concurso de castelos de area na praia de Area Grande. Os participantes foron todos de categoría infantil. Finalmente, os gañadores foron a parella de Acme-Paul, en segundo lugar David-Sabela e os terceiros Marco-Clara. ó final repartíronse agasallos para todos.

Nico e Senín vencedores do campeonato de volei praia de Xilloi

Este ano o campeonato contou coa participación de 12 parellas formadas por todo tipo de xente e idades. As semifinais foron Nico/Senín-José/Antonio (gañaron os primeiros por 21 a 16) e Fran/Carlos-Quelle/Óscar (gañaron os primeiros por 21 a 18).

A final foi gañada por Nico/Senín por un resultado de 21 a 8.

A pesar das malas condicións climatolóxicas, ó longo da tarde pasaron pola praia numerosos espectadores excepto na final que se disputou baixo unha auténtica manta de auga e vento.

Fotografías actuación Trío La Habana

Ante un numeroso público, o Trío Cubano La Habana actuou na terraza da Casa da Cultura. Este grupo deleitounos con temas moi coñecidos da música cubana e formou unha boa festa.

Fotografías ruta sendeirismo/canoas por O Vicedo

Hoxe mércores celebrouse con numerosos participantes a ruta mixta de sendeirismo e canoas pola Costa de O Vicedo e Barqueiro. A seguinte ruta será o martes 14 (víspera de festivo) a partir das 19h e consistirá na baixada do Río Sor en canoas. As fotos son de ruta de hoxe (incluímos a foto de grupo dunha das pandillas asistentes á mesma)