hoxe charla coloquio con pais e nais de adolescentes sobre educación afectivo sexual

Hoxe venres 7 de novembro das 16h ás 17h30 terá lugar na biblioteca da Casa da Cultura unha charla-coloquio con pais e nais de adolescentes para abordar o tema da educación afectivo sexual. Será moderada por unha especialista do centro Quérote de Burela (dependente da Xunta de Galicia) e tratará de asesorar ós proxenitores sobre estes temas tan importantes para o desenvolvemento dos adolescentes.

Máis información en: www.querote.org

Programación cultural Novembro

A programación prevista para este mes de novembro é a seguinte:
-Comezo dos obradoiros de xogos:
Nen@s de 2 a 5 anos: luns a partir das 17h15 no Vicedo
Nenos de 6 a 8 anos: Venres de 17h15 a 18h15 no Vicedo
Nen@s de 9 a 11 anos: Venres de 18h15 a 19h15 no Vicedo
Nen@s de 6 a 11 anos do Folgueiro, S. Román, etc: Mércores de17h30 a 19h no Folgueiro
-Coloquio educación afectivo sexual: Dirixido a pais e nais de adolescentes moderados por técnicos do Centro Quérote de Burela (dependente da Xunta de Galicia): Venres 7 novembro, 16h. Casa da Cultura.
-XII Festa de Confaternidade Avós - netos: Sábado 22 novembro - 13h - Polideportivo O Vicedo
-Torneo tenis O Vicedo: 29 e 30 de novembro e 6 e 7 de decembro. Inscrición: 5 euros (aberta a inscrición ata o 27 de novembro no 655 17 01 16 ou en omix@concellodovicedo.org

Samaín pasado por auga

A pesar do diluvio que caeu o venres, un grupo numeroso de nenos e maiores vestíronse e posaron coas calabazas elaboradas durante toda a semana. Fíxose un desfile en coches e despois un magosto no que participaron con moito ánimo para a horrible tarde que había. Graciñas a todos por participar.

Continúa a preparación do Samaín (31-10-2008)

Cunha grande participación e colaboración, continúa durante toda esta semana a preparación do desfile de Samaín prevista para o venres ás 19h30. Durante as tardes vanse achegando pais e nais de nenos de primaria, ESO así como os propios nenos e nenas que participan na preparación de calabazas, artiluxios ruidosos, debuxos e a aprendizaxe das cancións que se cantarán no desfile.

Ademais, a tarde do martes achegáronse ó Vicedo uns redactores de TVE para elaborar unha reportaxe sobre o Samaín do Vicedo que se emitirá no Telexornal de TVE-Galicia o venres ás 14h e nos Telediarios das 15h e das 21h para toda España.
Lembramos que o desfile partirá ás 19h30 da Casa do Mar, percorrerá algunhas rúas do Vicedo e rematará na Casa do Mar cun gran magosto popular. Animamos desde aquí a que os veciños e os establecementos colaboren poñendo calabazas nas súas casas ó paso do desfile.

Inicio Obradoiros Samaín

O próximo luns 27 de outubro desde as 17h comezarán na Casa do Mar do Vicedo e na Escola Unitaria do Folgueiro os obradoiros de preparación do desfile de Samaín que se celebrará o venres 31 ás 19:30h polas rúas do Vicedo.

A estes obradoiros están invitados a ir tanto pais e nais de nenos de primaria, PAI e secundaria como os propios rapaces e maiores de idade que vaian participar no desfile. Non importa o tempo nin os días que se poida asistir, simplemente se trata de ir preparando as calabazas e diferentes artiluxios para desfilar.
Esta festa, que gana en prestixio e participación cada ano, é a máis importante dedicada ó Samaín na Mariña de Lugo.

Para máis información sobre o Samaín pincha no seguinte enlac
http://members.fortunecity.es/ventero/misterio.html#El%20Samain

Inicio curso de bailes de salón

Hoxe martes 21 de outubro comezan as clases de bailes de salón. Será todos os martes de 21h30 a 22h30 na Casa da Cultura e serán impartidas polo mesmo monitor dos obradoiros de bailes de salón do verán.
O prezo será de 6 euros por persoa ó mes e non é preciso apuntarse en parella. Poden inscribirse no teléfono 982 59 01 95 ou no inicio do curso ás 21h30

Ruta de Sendeirismo pasada por auga

O pasado sábado 18 de setembro celebrouse a ruta de sendeirismo prevista polas marxes do Río Sor. Unhas 12 persoas percorreron os 9 km da ruta baixo unha intensa choiva que marcou a xornada.