Teatro en O Vicedo

O grupo de teatro AXÓUXERES de Foz representará a obra FARSA Á ESCOCESA E MATRIMONIO DO SÉCULO XXI mañá sábado 5 de novembro ás 19h30 na Casa da Cultura do Vicedo. Entrada gratuita.
Son 2 obras que se uniron por ser moi curtas, a sinopse é a seguinte:
"Xulián recibe unha carta do seu tío de Escocia, un empresario adiñeirado que quere montar unha empresa aquí e estalle propoñendo ser o presidente da súa nova empresa..."

Fotos samain 2011(obradoiros e desfile)

Samain 2011

Este xoves 27 comezarán os obradoiros de preparación do desfile de samaín que se celebrará o luns 31 ás 19h30. Será o xoves, venres e sábado a partir das 17h no sótano da Casa da Cultura e pode participar todo aquel que queira. En resume serán obradoiros onde se baleirarán calabazas, facéndolles os ollos e nariz e preparandolles o sitio para poñer a luz, poderán acudir nenos e nenas pero tamén se pide colaboración de adultos para un traballo bastante laborioso. Ademais, tamén haberá obradoiros para nenos a partir de 3 anos na biblioteca cos mesmos horarios con motivos que xiran en torno ó Samaín.

Para rematar o luns 31 será o desfile de Samaín. Comezará ás 19h30 partindo da Casa de Cultura e percorrerá as principais rúas do Vicedo. Poden participar nenos e adultos aínda que non acudiran ós obradoiros semanais sempre que traigan algún atuendo branco e unha calabaza xa rematada e con luz. Ó final haberá un magosto para tódolos participantes.

Máis información sobre o samain:

http://members.fortunecity.es/ventero/misterio.html#El%20Samain

ORGANIZA: CONCELLO DE O VICEDO E APA O VICEDO

Comezan as clases de teatro no Vicedo

Este venres 28 de outubro comeza a actividade de obradoiro de teatro co fin de crear un grupo no Vicedo. Será os venres de 20h a 22h para os adultos e os sábados de 11h a 13h para os menores de 18 anos. Nun principio hai boa disposición e grandes posibilidades de que vaia adiante e se poida representar unha obra na primavera.

Teatro na Casa da Cultura

O sábado 22 de outubro ás 19h30 a compañía de teatro PINCHACARNEIRO representará a obra O MÉDICO A PAUS. A obra é apta para todolos públicos e a entrada é gratuita.
A sinopse da obra é a seguinte:
"Martina, resolta e digna, decide vengarse das machadas do seu home, Extende a fama de que é o mellor médico do mundo, pero é tan humilde que precisa que o mallen a paos para recoñecerse como tal..."
Esta obra enmárcase dentro do proxecto Buxiganga da Deputación de Lugo e o Concello de O Vicedo.

Reunión para formación dun grupo de teatro no Vicedo

-Dirixido a adultos

-Se se reúnen os interesados suficientes impartirase un obradoiro de teatro un día á semana con obradoiro de lectura dramatizada, expresión corporal, dicción, etc.

-A perspectiva é representar unha obra de cara á primavera de 2012.

-O obradoiro será impartido por un profesional do teatro

REUNIÓN INFORMATIVA O VENRES 21 DE OUTUBRO ÁS 20H NA CASA DA CULTURA DO VICEDO

Teatro na Casa da Cultura

Mañá sábado 8 de outubro a partir das 19h30 a compañía Falcatrueiros de Monterroso representará a obra O TANATORIO na Casa da Cultura do Vicedo. A Entrada é gratuita e a sinopse da obra é a seguinte:
"Nun tanatorio poden xuntarse personaxes de todo tipo, poden darse situacións moi diversas, De entrada este é un lugar serio, mais nel xorden momentos inesperados, surrealistas, incómodos e impredecibles dos que nós quixemos sacar partido. Non é unha comedia sobre a morte, mais si unha comedia sobre o que rodea a morte na nosa sociedade e tradición..."