Teatro na Casa da Cultura

Esta semana volve o teatro á Casa da Cultura. O sábado 13 de novembro ás 20h O Grupo Nova Escena Teatro, de Lugo, representará a obra "A Tortilla e a Peste".Varias mulleres contan a súa experiencia durante o período do confinamento. A privación de contacto, o illamento, a distancia, fan que cousas cotiás, como unha simple tortilla, adquiran unha dimensión diferente, converténdose no “axis mundi” duns personaxes ligados ao mundo a través do finísimo fío da tecnoloxía.

Entrada gratuita.

Actividades para o fin de semana de Samaín

Entramos na semana do Samaín con varias actividades. O sábado 30 ás 19h a charla divultagiva sobre as aves mariñas da costa da Mariña e Ortegal, con especial atención ás aves que aniñan na Coelleira. E xa o domingo 31 o reparto de agasallos a nenos e nenas que participen na actividade da APA do Samaín e o magosto popular que se irá desprazando por todas as actividades polas paroquias. Por seguridade e evitar aglomeracións non se vai facer este ano o tradicional desfile de Samaín, agardamos xa celebralo con forza o ano 2022!!

Teatro no Vicedo. Pinconús

 O vindeiro sábado 16 de outubro ás 20h representarase a obra Pinconús, a cargo de Pinconús Teatro. Trátase dunha obra familiar apta para todos os públicos onde mesmo hai cancións interpretadas en directo polo que será todo un espectáculo para a tarde do sábado.

Teatro infantil o xoves 7 de outubro

 Esta semana temos teatro infantil no Vicedo!. Trátase dunha pequena obra de Teatro Ghazafelhos chamada "A Caixa sen Pandora". Será este xoves ás 16:45h e está destinada a nenos e nenas de 5 a 14 anos. É unha actividade máis da campaña de animación á lectura Ler Conta Moito. Entrada gratuita.

 Esta semana propoñemos unha actividade de animación á lectura, dentro de "Ler Conta moito". Trátase do clown Moc Moc que estará no Salón de Actos da Casa da Cultura o próximo xoves 30 de outubro ás 16:30h.

Esta semana...Xeoruta e música galega

Esta semana...Xeoruta e Música galega. Unha nova semana de agosto con actividades socioculturais, nesta ocasión o mércores pola tarde unha xeoruta pola zona do Rio Sor á altura de Ponte Segade, Salustio, Cubelas e Auga Caída (as prazas están agotadas e está aberta lista de espera por se hai baixas).

Xa o xoves ás 21:30h, un concerto na terraza da Casa da Cultura a cargo de "Acordeireta", un grupo formado por Patricia González e Alejandro Balbuena onde a música do acordeón e a pandeireta acompañados polas súas voces formarán un concerto moi variado de música galega. Nesta actividade haberá control de acceso e será obrigatorio estar sentado nas sillas habilitadas para o concerto, respectando a normativa actual en materia de concertos da Xunta de Galicia.

Esta semana...Sendeirismo/kayaks, premios do concurso fotográfico e Charanga Brassica Rapa. Comezamos unha das semanas máis importantes de agosto e aportamos por actividades moi diversas.

O mércores 11, sendeirismo/kayaks cunha divertida ruta entre o mirador de Muronovo e Ribeiras do Sor (sendeirismo) e entre Ribeiras do Sor e o porto do Vicedo (kayaks).Esta ruta ten as prazas agotadas xa.

O xoves 12 ás 20:30h na Casa da Cultura será a entrega de premios do Concurso de fotografía Turística Concello de O Vicedo, neste caso dedicado ao patrimonio histórico (aínda estades a tempo de participar se presentades as fotografías antes das 14h de mañá martes).

O Venres 13 a charanga femenina Brassica Rapa amenizará a tarde-noite do Vicedo cos seus ritmos pegadizos polas rúas e locais hosteleiros do núcleo do Vicedo. Será a partir das 21h.

Programación sociocultural agosto 2021

 Aberto o prazo de inscrición para as actividades de natureza. Teléfono 982 59 01 95

Presentamos o concerto de Andrea Pousa para a noite do sábado 31 de xullo. Iremos informando máis ampliamente pero o concerto forma parte da súa xira retorno que a leva por varias localidades galegas. Tomaranse todas as medidas necesarias para un desenvolvemento seguro do concerto.

 Esta semana...música e sendeirismo nocturno.

Comezamos unha nova semana con actividades, nesta ocasión concentradas no mércores 14. Ás 20h música rock infantil con Paco Pakolas e Laura Romero co espectáculo "Ti debuxas, eu C@nto con Ramona Órbita". Un espectáculo de animación á lectura subvencionado pola Xunta de Galicia en Ler Conta Moito.

E ás 22:30h a ruta nocturna que parte da zona da Ponte sobre o Sor e remata na praia de Xilloi con chocolatada opcional por 2 €. Unha actividade para toda a familia para as noites de verán. Inscricións no 982 59 01 95 ou no mail omix@concellodovicedo.org.

Programación sociocultural xullo 2021

 

Pinche na imaxe para agrandala

 Actividade dirixida a xóvenes desde os 10 anos e que estean empadroados no Concello do Vicedo. Unha actividade gratuita na que disfrutar da costa, das praias, dos amigos. Número limitado de participantes. Inscricións no 982 59 01 95.

 Esta semana... presentamos o libro "Sucesos marítimos do Porto do Vicedo", de Hixinio Puentes, onde se repasa a historia de diferentes sucesos marítimos dos que o autor puido recopilar información en diferentes fontes, e que teñen como punto en común que tiveron lugar na zona marítima do Vicedo ou con protagonistas do Vicedo. O libro contén tamén unha morea de curiosidades sobre a zona e o mundo do mar que o fan moi ameno. A edición do libro contou coa axuda económica da Deputación de Lugo.

A presentación será este sábado 12 de xuño ás 12 da mañá no Salón de Actos da Casa da Cultura e contará coa presencia do propio autor, Hixinio Puentes e do alcalde do Vicedo, Jesús Novo. Debido ás limitacións sanitarias da COVID-19, lembramos que o aforo será limitado.

Teatro no Vicedo: Rosaía de Castro