Teatro infantil no Vicedo

 Esta semana...Teatro infantil. O grupo Ubú Teatro presenta "O Vixilante dos soños" o venres 13 de novembro ás 16:45h. Lembrade que debido á normativa do COVID-19 só poderán asistir un máximo de 60 persoas á representación.

A Banda Municipal de Vilalba actúa na Casa da Cultura do Vicedo

O domingo 25 de outubro ás 7 da tarde teremos no Vicedo á Banda Municipal de Vilalba, unha actuación gratuita dentro do Programa Musiqueando, da Deputación de Lugo. Como sempre, aplicaranse as medidas sanitarias debidas á COVID-19. A Cultura é segura!!

Monicreques e Teatro

Esta semana...Monicreques e teatro. Continúan as actividades socioculturais no Concello de O Vicedo, esta semana volven as actividades de interior con monicreques e teatro. O xoves 1 de outubro ás 16:30h Larraitz Urruzola presenta "A festa dos monicreques" Larraitz falará das investigación da As Morreu o Demo e con títeres contará a historia de Dona Barriga Verde unha pícara pandereteira que armada de inxenio desafía as dificultades cotiás, vence ao medo e ás inxustizas defendendo á súa integridade e amor propio fronte aos monstros, ao amor, á morte e ate ao mesmísimo demo. Por outra banda, o sábado ás 20h volve o teatro profesional ó Vicedo, nesta ocasión Expresión Produccións presenta "Que é o que preciso?. Unha divertida obra para todos os públicos. A entrada é gratuita nos dous espectáculos e respectaranse escrupulosamente as normas de prevención frente ao COVID-19. Así, as butacas están numeradas e serán asignadas a cada persoa para garantizar as distancias de seguridade, asimesmo, ordenarase a entrada e saída do salón de actos para garantizar que non haxa aglomeracións e será obrigatorio o uso de máscara durante todo o espectáculo

Programación sociocultural agosto 2020

Pinche na imaxe para ver en tamaño grande

Despois duns meses obrigados polas circunstancias, presentamos unhas actividades socioculturais para este mes de xullo onde predominan as actividades de exterior, de natureza, con pequenos grupos e en condicións de seguridade sanitaria, polo que é imprescindible anotarse previamente no teléfono 92 59 01 95. En función da evolución da situación iremos ampliando o tipo de actividades.

Pulsa na imaxe para vela en tamaño grande

Concerto da Orquesta de Corda do Conservatorio de Viveiro

O venres 13 de marzo actúa a Orquesta de Corda do Conservatorio de Viveiro na Casa da Cultura do Vicedo. Non faltedes!

Teatro no Vicedo

Este sábado volve o teatro profesional ao Vicedo. Nesta ocasión é o grupo Lîlâ Teatro que presenta a obra "Rara Avis". Será o sábado 14 as 20h. A obra está dirixida principalmente a adultos pero é apta para todos os públicos.